Me pakka ski- og telt, og la i veg for å sjå om me kunne finne Mohidleren. Me fann an (trur me), men det låg store mengder snø i åpningen, så me må tilbake til våren for å få sett den fra innsida.
Strålande vêr, fint skiføre og godt lag!
Stikkord: telt
Var ei veke på Hardangervidda i midten av august! Det var mykje snø i forhold til samme tid i fjor. Fisken var ikkje like bitevillig, men fekk nå nok til mat.
Siste halvparten av turen var Olav og Ingve også med. Har snekra i hop ein rask filmsnutt av det vesle råmaterialet eg hadde liggande.
Olav og eg pakka telt- og toppturstasj og kjørte så langt bilen kom. Mads, Martine, Espen og Frode kom opp morgenen etter og blei med til Monsaskukken. Det var så fint der oppe, at Olav og eg også tok ein ettermiddagstur oppom Mælen. Så det vart særs mykje fin kjøring på ein dag!
I helga tok eg ein spontantur til fjells. Pakka ski, telt, lånte meg ein eldre pulk og labba i veg lørdagsformiddag. Hadde ein plan om å gå opp til Båsabudalen ved Skarsheia. Gikk opp og runda Skardnuten, men det var kulsen vind oppå snaufjellet, så siden dette tross alt var ein kosetur så gikk eg nedatt til Gamlaskar og slo opp teltet der.
Fekk testa den nye soveposen, og den fungerte godt. Eg kraup i posen rundt 21:00 og vakna ikkje før 10:00 neste dag. Då var eg godt utkvilt og klar for den litle biten ned til bilen igjen. 🙂 Godt å vite at eg klarer å holde varmen, for neste helg går turen opp til snaufjellet!
Glemte kamera, men knipsa nokre bileter med mobilen:
Eg og Ingve hadde ei fantastisk veke med telt og fiskestang på Hardangervidda i midten av august.
Laptopen min sliter når det er snakk om å redigere full-hd materiale. Så derfor slenger eg bare denne ut slik den er nå. Så kjem det nok ein ny versjon når det er nyare maskinvare i hus!
Skriftlig rapport kjem seinare!
Etter ti-tolv døgn i det nye teltet, har eg fått testa det i forskjellig vèr og forhold. Fra strålande sommar til piskande vind og snø.
Suldal statsalmenning er eit svært jakt-terreng, der kven som helst kan kjøpe kort for ein billig penge. Me har vert fast inventar under åpningshelga (1. oktober) dei to siste åra, og i år var intet unntak. Det ligg fleire tilgjengelege hytter i området, men det pleier var folksomt, så me bestemte oss for å telte i litt meir utilgjengeleg terreng, der dei bedagelige sofajegrane ikkje orkar gå.
Kategorier
Årets første jakttur
Endelig igang med årets jakt! Me testa ut nytt terreng, og det er alltid spennande. Då veit ein ikkje kvar fuglane pleier å gøyme seg 🙂
Eg og Kjetil pakka sekkar, telt og sovepose og reiste oppover mot Røldal torsdagskveld. Tok ei natt i leiligheten til Kjetil før me satte snuten mot fjellet. Fann ein fin teltplass, rigga heimen, la ifrå oss dei tunge sekkane og traska inn i tåkeheimen! Etter ca tre kvarter såg eg den fyrste rypa, ei einsleg frøken som klaska i bakken – fulltreffar. Etter dette var det dødt ganske lenge, når me kom opp i snøbeltet, såg me 4-5 på ein 100 meters hold. Fann aldri desse att. Gjekk ein tur innom Sandvatn, for å sjå korleis hytta der såg ut. Fin plass, men nedtappa vatn er aldri eit vakkert syn. Såg ikkje meir fugl denne dagen. Blei eit hekkans vær, så resten av kvelden vart innandørs i teltet. Det var nokre heftige vindkast iløpet av kvelden/natta, så måtte ut og etterstramme barduner. Teltet sto støtt natta gjennom, første skikkelige test av det nye teltet i ruskevær 🙂
Kategorier
Pøylånå 2010
Dette kan ikkje vere langt ifrå å vere sommarens varmaste og finaste helg! Dei som gjekk med litt lite kler på kroppen kan skrive under på det (les; sviddhud.com).
Fisken beit til tider, men den beit desidert mest på ein spesiell sluk, denne sluken tok ni fisk, medan resten av slukane tok ein. Lurer du på kva sluk det var? Då kan eg informere deg om at det er ein godt bevart hemmelighet. Den canadiske bekkerøya er ein forteffeleg matfisk, knallrød i kjøtet, og smakar snadder. Litt slappare i fisken enn auren når du får den på kroken, så ikkje så godt å bedømme størrelsen før du ser den i vatnet. Me fekk ikkje overflod med fisk, men nok til å halde oss mette. Trur me skremte vekk eindel med plasking og bading i adams drakt 😉
Alt i alt, så er vel dette eit paradis for ein fiskar, stryk, kulpar og småvatn så langt auge ser! Me kjem att for ein ny Pøylånå-festival neste år!
Ellers er det vert og nevne at det var veldig mykje lemen, så rypejakta kan bli fin på statsalmenningen i år 🙂 Observerte både rype, hare og røyskatt på turen. Og i tillegg observerte me ein fining som nett hadde dratt i land ein feit fisk i eit lita tjødn når me var på veg heimover, her blir det nok ein liten rast neste gang 🙂
Siden leiligheten er solgt, var det på tide og investere i eit større telt. Etter særs gode anbefalingar frå Svandals store sønn, så falt valget på Hilleberg Nallo 3 GT. Etter å ha testa to netter, er eg så langt strålande fornøgd. Lett, særdeles romslig, gjennomtenkte løysingar og solid.
Den første testen var på plenen heime, men for og få ein litt betre test, pakka eg sekken og satte snuten mot Koldalstjødn.
Me fann ut at me ville klatre litt i helga. Og kva er vel betre enn å kombinere det med telt, fisking og bading? Etter å ha lest litt på nettet, så ramle eg over informasjon om at Suldal Klyvarlag har bolta ruter i Gamlaskar! Då var jo valget enkelt, og me satte kursen heimover mot Sand!
Gjekk på generaltabben og ikkje sjå på ferjerutene, dermed kom me tre minutt for seint til Hjelmeland, og måtte slå i hel ein time og femten minutt der. Veit ikkje om kaffipausen på Statoil Tau var vert den ventetida. Blei litt skumringsvandring oppover, og ca 0130 var me på plass ved vatnet.
Freista fiskelukka på lordagsformiddagen, fekk på land ein fin (liten) pannefisk. Den beit på «Jungle Cock», for dei som er interesserte i slikt! Satte så kursen mot Stølsveggen, som låg like bak hytta. Fantastisk plass å bolte klatreruter. Lordagskvelden var det tid for fisking igjen og det regelrett kokte på vatnet, fisken beit støtt og stadig. Den hogg til omtrent før sluken landa til tider! Moro! Men dog mykje småtteri som beit.
Søndagen gikk me inn til klatrefelt tre, Mjølkesteinveggen. Planen var Sartreveggen, men den gikk me rett forbi. Der kan me leike oss neste gang, for det blir garantert ein tur til opp dit.
Nydelig tur!