Kategorier
Jakt, fiske og friluftsliv

Lammajakt rundt Velastøl


23-24. Oktober blei det ein snartur opp til Velastølen og området rundt. Me hadde eit lite oppdrag om å leite etter nokre lam som ikkje hadde komme seg heim frå sommarferie. Me visste det var kome snø, men at me skulle vasse til knes og vel så det, hadde me ikkje rekna med! Flott og gløyme dei nye gamasjene på den første turen ein trengde dei. Men ingenting er så gale at det ikkje kan løysast med teip!

Såg ikkje ein ulldott der oppe, ikkje spor etter fårikålen. Men såg tre-fire ørn, som kanskje har sikra vinterlageret med ferske og feite lam.

Glømte igjen jakken på stølen; så Olav me må nok snart opp og teste ut frikjøringsmulighetene rundt hytta!

Det var aldeles strålande vèr, og Suldalsheiane viste seg fram fra si beste side. Einaste som mangla var pudderplankane 🙂

Bilder finner du i albumet!

Kategorier
Ski Snønuten Open

Snønuten Open 2010 – Vårens vakraste eventyr

Husk å manna deg opp både fysisk og psykisk til påskeafta, som i år er 3. april! Då smell startskotet atter eingang for SNO aka Snønuten Open.

Eg ventar i spenning på SNO-generalens oppsumering av årets deltakarar! Mens me ventar kan du jo lufta i kommentarfeltet om du har planar om å stilla!

Bare så det er sagt, den pokalen ska eg fader meg ha eit år til! Så dykk som enda ikkje har starta den harde oppkjøringa, er nok litt seint ute!

– Les meir om SNO, regler som ikkje finnes m.m.
– Suldalsposten om rennet ifjor (pdf).

Meir informasjon kjem altså plutselig frå generalen! Dei som oppfyller krava om deltaking må skriva ein kommentar her om dei vil var med.

Kategorier
Jakt, fiske og friluftsliv

Isfisketur til Ullsvatnet


Vestlandsvinteren viser seg frå si aller beste side no i byrjinga av 2010. Denne helga var intet unntak. Eg og Ingve kom oss relativt tidleg avgårde frå Stavanger, for å sleppe å gå heile turen i stummande mørke. Greit å komme seg ut av skogen, og inn i ope lende før mørket kjem, iallefall når stien er snødd ned, og ein må brøyte veg opp!

Me rekna me at isen skulle vere meir enn trygg, men sjølvsagt var det litt spenning i å ta dei første stega. Ingve tok fem steg ut, hoppa tre ganger opp og ned, og konkluderte med at «joda, den er nok trygg».  Ved nærmare studier så kunne du nok landa ein Boeing på den, for den var tjukketjukk. Herlig å traske utover isen i mørket, høyre knaking og braking i isen når den krymper sammen for natta, sterke krefter i sving.

Me ankom hytta i seks-tida, då var det -17 både ute og inne. Fekk skifta klær, fyrt opp omnifuelen og satt på kaffikjelen i ein fei! Måtte regelrett tørka litt kvist og ved på brennaren før det gjekk an å få fyr inni ovnen. Men fyrbøtaren fekk fyr, og tempen kraup sakte, men sikkert mot null-punktet. Med varm kaffi og frisk Fernet, var det bare hygge og smil å spora! Slik nærare midnatt dukka det opp eit ljos utpå vatnet, ein ting me ikkje hadde venta oss var besøk midt på natta. Men Cato syns det var ein god ide og var eit einaste stort glis når han kom fram. Eg trur hovudgrunnen til den seine ankomsten var at han fekk gå på ferdig brøyta sti, og kom fram til ei god og varm hytta!

Laurdag var det is-garnfiske som sto på programmet! Me var særs optimistiske der me boret hull etter hull i isen, putta garnet nedi og med fikse løysingar (lang bambus, og våt Cato), så fiska me det opp i neste høl!  Me såg fram til nysteikt bål-aure utpå dagen. Litt utpå kvisten kom Olav dinglande, han er garantert den første person på Ullsvatnet med alpint skibestigningsutstyr. Litt for lite snø og særdeles dårlig base, gav visstnok begrensa frihet i nedkjøringa.

Kvelden gikk fort med bål, og pizzahygge ute under ein stjerneklar himmel! Fantastisco! Olav jobbar no med å perfeksjonere oppskrifta på villmarkspizzaen sin, slik at han kan imponere og innynde seg hjå ei framtidig hulder!

Søndagsmorgon var det garntrekking og rydding/vasking. Fiske var så som så, null fangst.  Pakka saman og labba fornøgde heimover.

Har lagt ut litt ymse bileter fra turen.

Kategorier
Ski

Tjuvstart i Røldal

Mari gir gass
Til helga byrjar heisane surra i Røldal! Endeleg er vinteren her, og «vekependlinga» til Røldal startar!

Men me var noko utolmodige, og når snørapportane varsla om 45 cm frisk og fin snø forrige helg, klarte me ikkje vente lenger og sette snuten mot fjellet.

Ein liten bilde-rapport fra sesongens første smak av snø!

Kategorier
Jakt, fiske og friluftsliv

Jakt Suldal Statsalmenning, Krossvatn

banner_krossvatn

Me stakk inn til Sand torsdags-ettermiddag, lynklare for jakt. Det vart mørkt før me kom inn, så me hadde ein liten pitstop på Sand. Fredagsmorgon kl 06:00 var me klare for avgang.

Fredagen var det eit fortreffeleg ver, og lite snø, så me freista å køyre inn til Skreivass-dammen (yr.no hadde tross alt meldt regn og plussgrader både lordag og søndag).  Me såg fleire ryper på turen inn til dammen, og jegerane vart særs optimistiske!

Traska innover mot Krossvatn turisthytte for å sette frå oss bagasjen. Kun minutt etter at me bestemte oss for å spre oss, og lade haglene, small det frå saudabuen si hagla. Ei einsleg rype datt pladask i bakken, fantastisk start. Me spreidde oss utover eit ganske stort område, eg følgde stien innover. Etter ein dryg halvtime, gjekk eg på tre ryper, to av dei enda i sekken. Kjetil og Gjermund fekk og kvar si rype før me kom fram til Krossvatn. Gjermund var rett og slett supastoka (som ein ekta snøbrettkøyrar ville sagt) når han kom fram. Sette frå oss sekkane og fekk ein kaffitår før me traska ut att.

Eg, Knut og Ingve gjekk i retning Nøvlanuten, medan Kjetil, Gjermund og Cato gjekk andre vegen. Olav og Anders stakk opp på onsdagen, så dei hadde me enda ikkje sett snurten av. Veret var fortsatt aldeles strålande, vindstille, skyfri himmel og snødekt landskap. Tru ikkje det kan bli så mykje betre enn det. Eg og Ingve såg ein stor stegg me prøvde å lure oss innpå. Den satt som kongen på haugen, og hadde full kontroll på oss. Ikkje skothald. Etter dette såg me tre fuglar, samt ein stor flokk på 30-40 ryper, men ingen på skothald.

Lordagen våkna me til tett snøver, men forholdsvis mildt og lite vind. Så eg og Knut la avgårde, etter ca 20 minutt gjekk me på ein stor flokk på rundt 20. Knut fekk to, og eg fekk ei. Mi landa sjølvsagt utpå eit lite vatn, så eg fekk verkeleg testa impregneringa på sko og bukse. Festa buksa rundt skoa med litt ducktape, så fungerte  det utmerka å vasse til låra i vatnet. Etter dette følgde me ein flokk på ca 10 ryper innover fjellheimen. Knut fekk has på fire i denne flokken, eg fekk ikkje skothald. Ikkje lett å halde følgje med sjumilsstøvlane til Knut i knedjup snø. Dei andre fekk ikkje skothald denne dagen.

Søndagen var me tidlig oppe for å komme oss ned i rimeleg tid. Sterk vind, og snøver gjorde sitt til at turen tok noko lengre tid enn normalt. Me såg for oss ein heller strabasiøs tur med mykje graving og spadebruk for å få ned bilane. Når me bikka over kanten ned mot vegen, så var den ny-brøyta.  Sitat Kjetil: «Eg har aldri vore så glad for å sjå ein John Deere før».

Totalt 11 ryper på 8 jegerar, med fordelinga 6, 3, 1, 1, 0, 0, 0, 0. Ei fantastisk helg alt i alt 🙂 Nokre medlemskap i IRRVF (Indre Ryfylke Rypevernforening) lev farleg, og med seks fulltreffarar, står Knut verkeleg i fare for å ikkje få godkjent opptaksprøven.

Bilete finn du i fotoalbumet.

Kategorier
Ski

Mens me venter på vinter: Eyes Wide Open teaser

EYES WIDE OPEN from Field Productions on Vimeo.

Kategorier
Ski

Litt fra Stryn

Bilder fra Stryn
Bilder fra Stryn

Forrige veke var me samla ein solid gjeng på Stryn. Det var god stemning, blanda vær, bading, skikjøring, grilling, SPA, turistifisering m.m.

Dei hadde som vanleg store problemer med breheisen, og den sto for det meste roleg. Det vart med to skidagar. Ein i anlegget, og ein topptur til Blåtind.

Uansett heistrøbbel og skiftande vær; Stryn skuffer aldri 🙂

For spesielt interesserte så ligg det litt bilder i albumet.

Kategorier
Bilder Ski

Litt fra 2008-2009 sesongen

Fant ut at Picasa 3 hadde ein morsom slideshow-funksjon. Dette er bare ein kjapp test for å sjekke om wp-pluginen funker som den skal, derfor er filmen komprimert ein heil del.. Så kvaliteten er ymse.

Kategorier
Ski

Haukeli fyll- og frikjøringsfestival (HFFF)

Mazza inviterer:

Etter Reinsnuten Freeline Jam (RFJ) og Snønuten Open (SNO) er det nå klart for det siste arrangementet i Yallacupen 2009; Haukeli fyll- og frikjøringsfestival (HFFF).

På programmet i år står toppturer på Haukeli, Vestlandsfanden på Garasjen og førstenedkjøring i Arabygdi. Kven stiller?

Dette kan jo bli ein ny god tradisjon 🙂

Kategorier
Ski Snønuten Open

Resultater Snønuten Open 2009 *update

Målområdet
Målområdet

Bjørke sendte over nokre bilder! Sjå i albumet!

Då var årets happening gjennomført 🙂 Alle kom ned heilskinna! Vart ein noko amputert trasé, pga særs sterk vind og tåke på toppen så måtte me trekke starten noko ned..  Det var tett i toppen, med kun 11 sekund mellom dei tre første!

Skal få slengt ut litt bilder når dei er klare!

Resultatene fra 2009

Kategorier
Ski Snønuten Open

Snønuten Open – fredagssamling

Husk å møte opp på Mo Laksegard fredag (imårå) kl 19:00! Det blir uhøgtideleg trekning, skryting og tikktakkeri!