«Her må koma ei tid, då kver som på nokon måte kan dreg til fjells, då sjukingar reiser hit istadenfor til desse bad, og då bleiksottige bydamer, desse cultur-krøkkjer, fara herup for å venja seg til å vera folk.»
Dette skreiv Åsmun Olavsson Vinje i 1862, og me har i over eit halvt tiår prøvd å leva etter dette motto. Gjennom å invitera ulike fjolls til fjells for den høgst uoffisielle skileiken «Snønuten Open», har både gamle og unge deltakerar fått muligheit til å komma seg til fjells, og venja seg til å vera folk.
På tross av instendige oppmodingar frå Sand/Suldal Røde Kors (som ikkje ynskjer å setja karsken i vrongstrupa denne påskeaftan), blir det ei samling for dei vanlige inviterte deltakerane i år også. Ein god tradisjon må haldast i hevd, og så lange alle tek vare på seg sjølv og kvarandre bør det gå bra!
Som bankettansvarlig hadde det vore greit å få eit nokonlunde overslag på antallet bankettdeltakerar. Vil du vera med på banketten, er det derfor fint om du skriv ein kommentar i feltet under. Det må og utpeikas/velges ny rennsjef, då den forrige rennsjefen måtte ta hatten å gå etter grove beskyldninger om manglande sikkerhetsopplegg i SNO08. (Etter en fysisk og psykisk reaksjon på mediakjøret som fulgte er han no tilbake i ein meir tilbaketrukket rolle som bankettansvarlig).
Me snakkes påskeaften!