Aug 11, 2010 Jakt, fiske og friluftsliv
Denne turen har etterkvart blitt ein tradisjon. Og i år var me avgarde same helg som i fjor. Me gjekk frå Sandsaosane fredagskveld rundt kl 21, og kom fram i skumringa, Sandsavatnet er ekstremt nedtappa, og var ikkje eit vakkert syn. Hadde ein betre kveldsmiddag og nokre fortjente pils, før me kraup til køys.
Laurdag vakna me til eit ekstremt bråk og leven frå ein gjeng med rakkarungar som tydeligvis ikkje var opplært til å leike ute! Frukost, og så ut å gå, destinasjon Stranddalen med litt omveier. Herlig vandrarver, varmt med litt bris. Etter omtrentleg fem timar var me framme ved Stranddalshytta, og fekk servert ein fortreffeleg tre-rettars med øl og vin! Nam! Det var fullbooka i Stranddalen, men me hadde heldigvis reservert lavvoen. Planen var å fiske litt etter middagen, men dei fleste av oss blei ganske segne, så kun Cato og Jarle kom seg ut på fiske på kvelden. Cato kom att med ein fin halvkilos. Me andre slo ihel kvelden med eit slag Scrabble, og det var vel ingen overrasking at eg gjekk av med sigeren i denne selskapsleiken 
Søndag gikk turen heimover mot Sandsaosane i strålande ver. Me hadde fiske- og hyggestopp på vegen, ingen store beit på kroken, men lyngen var fin å sløve i! Olav og Jarle kjørte bakkeløp oppom Napen, viss ryktene stemmer, så måtte lokomotivet frå Vela sjå seg slått? Resten sklei fint forbi og vidare mot ein betre lunsj ved Lånene. Såg eindel lemen, så lovar godt for årets rypejakt!
Ein flott tur, som gjentas neste år!
- Sandsahytta
- Stranddalshytta aka «Perla i Ryfylkeheiane»
Bilder finne du i albumet.
Jul 26, 2010 Camping, Jakt, fiske og friluftsliv
Siden leiligheten er solgt, var det på tide og investere i eit større telt. Etter særs gode anbefalingar frå Svandals store sønn, så falt valget på Hilleberg Nallo 3 GT. Etter å ha testa to netter, er eg så langt strålande fornøgd. Lett, særdeles romslig, gjennomtenkte løysingar og solid.
Den første testen var på plenen heime, men for og få ein litt betre test, pakka eg sekken og satte snuten mot Koldalstjødn.
Har lagt ut ein liten bilderapport. 
Jul 20, 2010 Jakt, fiske og friluftsliv
16-18. Juli var Happy Hunters (med gjester og aspirantar) på tur igjen! Me utforska nye flotte og bratte områder.
Me starta innerst i Ulladalen, gjekk opp til Annandalsvatnet og hadde første camp der. Atter eingong er det slått fast at det enklaste ofte er å følgje stien, men siden det enkle ofte er ganske kjedeleg, så gjekk/klatra me på frihand. Til slutt fann me ein nydeleg camp i vasskanten.
Vakna til eit fantastisk ver på lordagen, og etter å ha utforska hoppe- og bademulighetene sette me kursen mot Orraheia. Me sikta oss inn på ei snøfonn oppi bakken, og satte kursen mot høgaste punktet! Etter å ha svinsa rundt litt, for å få med oss mest mogleg av severdighetene oppå der (les Geitajuvet og Førrejuvet), satte me kursen mot Fagerdal. Namnet gjorde ikkje skam på dalen, den var særdeles fager, ein av dei grønaste og frodigaste eg har sett på lengre tid. Nokre høgspentlinjer øydela dog deler av idyllen. Når teltleiren var rigga (for dei fleste av oss) så åpna slusene seg, og det regna i strie straumar! Derfor blei det ein særdeles hyggeleg innekveld, med mykje lått og løye.
Søndagen satte me kursen mot Ulladalen igjen. Ein strålande tur i eit flott terreng.
- Kartutsnitt (fra ut.no/kart)
- Bilder fra turen
Jun 29, 2010 Camping, Jakt, fiske og friluftsliv
Me fann ut at me ville klatre litt i helga. Og kva er vel betre enn å kombinere det med telt, fisking og bading? Etter å ha lest litt på nettet, så ramle eg over informasjon om at Suldal Klyvarlag har bolta ruter i Gamlaskar! Då var jo valget enkelt, og me satte kursen heimover mot Sand!
Gjekk på generaltabben og ikkje sjå på ferjerutene, dermed kom me tre minutt for seint til Hjelmeland, og måtte slå i hel ein time og femten minutt der. Veit ikkje om kaffipausen på Statoil Tau var vert den ventetida. Blei litt skumringsvandring oppover, og ca 0130 var me på plass ved vatnet.
Freista fiskelukka på lordagsformiddagen, fekk på land ein fin (liten) pannefisk. Den beit på «Jungle Cock», for dei som er interesserte i slikt! Satte så kursen mot Stølsveggen, som låg like bak hytta. Fantastisk plass å bolte klatreruter. Lordagskvelden var det tid for fisking igjen og det regelrett kokte på vatnet, fisken beit støtt og stadig. Den hogg til omtrent før sluken landa til tider! Moro! Men dog mykje småtteri som beit.
Søndagen gikk me inn til klatrefelt tre, Mjølkesteinveggen. Planen var Sartreveggen, men den gikk me rett forbi. Der kan me leike oss neste gang, for det blir garantert ein tur til opp dit.
Nydelig tur!
- Litt bilder finn du i albumet!
- Klatring i Suldal.
Latest Entry
